Ein fantastisk dag for fotball på ærverdige Møhlenpris.
Ein tent Viggogjeng møtte til kamp og det til og med ein del tilskodarar på plass. 1.omgang er ein ganske jamn kamp, der Mann er litt betre i starten og Viggo er litt bedre i andre halvdel. Einaste målet i 1.omgang kjem etter ein corner frå Mann blir skrudd rett i mål. Viggo sin største sjanse kjem etter eit flott raid frå Erlend langs venstrekanten som endar i eit flott innlegg som Jørgen headar i tverrliggaren.

I andre omgang er Viggo det klart beste laget og tar meir og meir over av spelet utover omgangen. Vi skapar fleire store sjansar og utlikninga kjem etter 71 minutt når Sondre får ballen på omlag 10 meter litt ute til høgre. Han dunkar til og ballen susar inn i nettet. I tillegg til målet skapar vi fleire store sjansar og Per er nærmast å sende Viggo i leiing når han dundrar ballen i stolpen. Rett før slutt flyttar Viggo mange spelarar opp i bana og Mann får til ei kontring som endar med 2-1 leiing til Mann. På overtid har Viggo nok eit tverrliggar treff, men igjen er Mann mest effektive og dei aukar til 3-1 heilt på slutten.

Eit surt tap for Viggo som i andre omgang er det klart beste laget og har stort trykk mot Mann det meste av omgangen. Veldig bra innsats og mykje positivt å ta med seg til sesongavslutninga mot Ørnen neste laurdag.